يالشييبه <.<'

هذا البوست بكتبه بالعربي نحاسه فعيال الحمرا لي يكتبون فالجات بوكس ماليه -.-

بغيتهم يخوزون يدورون لهم صرفه بعيد عنيه مافي فايده -.- الحين اباهم يقولون بلوق حلو ولا عيبنيه البوست بالعربي شو بيقرون عيال الملعونه -.-

المهم نعود لمحور حديثنا

وايدين يقولون ليه يالشيبه ... صح شعريه ابيض و فيني أمراض شواب و توني مركب كم من ظرس يداد بس عمريه 23 والله, يعني هب شيبه :"(

الهم و التفكير و التعب النفسي هو لي يشيب بالانسان و اييب له المرض و من ناحية الظروس الجوكليت :p

فهمتها متأخر الدنيا انا لول... كملت حياتيه كلها أفكر فكل شي أتنقد في كل شي أفكر في أفكار خلق الله شو نواياهم أسوي سكان على كل مكان أدشه و أفكر في كل كبيره و صغيره فيه ما أدري ليش بس بصراحه هالشي متعب -.-

الواحد يسلم أمره لربه و يريح باله و ضميره و يتم شباب قلبه أخضر ... هاي هي الدنيا ^_^

و الواحد كل ما تصيبه الصيبه ما يقول يا غير حسبي الله و نعم الوكيل و الحمدلله عكل حال

ولا شو رايكم :p?

و انا اكتب هذا البوست و انا مسطل متنح عالاخير ماكل حبتين مسكن ألم لأنه ظرسي أحسه بينفجر كيف بينفجر لا تسألوني لول